اكتب بنفسك
اكتب بنفسك
هنا يمكنك ان تكتب موضوعك بنفسك !!
فى البداية ارحب بكل الموجودين فى الموقع سواء كانوا اعضاء او زوار,وعايزة اقولكم ان القسم ده اتعمل مخصوص علشانكم
عشان تكتبو فى براحتكم ,يعنى لو عندك موهبة,او بتحب الكتابة (شعر ,نثر,قصص,مقالات ………..)
عندك رسالة وعايز توصلها للناس هنا هيكون المكان اللى تكتب فيه اللى انت عايزه .
منتظرة ابدعاتكم ..
ولكى تستطيع ان تكتب اى موضوع فى مدونة دمياط
* اولا يرجى منك ان تسجل فى الموقع من رابط التسجيل (موجود فى اسفل الرئيسية)
بعد التسجيل !!!! ترسل لك رسالة على الميل الخاص بيك اللى طبعا مسجله فى صفحة التسجيل لان الباسورد تكون عشوائية وليس بامكانك ان تكتب باسورد بنفسك فى البداية (يعنى بلاش فزلكة وانت بتسجل) لان دى كلمة السر اللى انت من خلالها هتدخل الموقع
* بعدين يا شباب بيطلع لك يوزر يعنى مستخدم وباسورد يعنى كلمة مرور
ودول اللى بتقدر تدخل بيهم الموقع عشان تقدر تضيف موضوع ويظهر للناس بعد ثوانى فقط
*بعد ما تدخل الموقع اقصد لوحة التحكم الخاصة بيك تقدر تعدل الباسورد الخاصة بيك عادى جدا وبكل سهولة
وتقدر كمان تغير اسمك وتضيف نك نيم يعنى اسم مستعار وتقدر تعمل حجات تانية كتير
* المهم بعد ما تدخل لوحة التحكم بيظهر لك فى الناحية اليمين قائمة طولية
تحتوى على (تدوينات) بداخلها يوجد تحرير – اضف تدوينة جديدة وهذه هى هدفنا
تضغط على تدوينة جديدة بتفتح لك مربع نصى تقدر تكتب فية اللى انت عايز تكتبه بكل سهولة ويسر وبعد الانتهاء من الكتابة
تضغط على زر (نشر) فى اعلى يسار الصفحة
* بكدة تكون كتبت موضوع جديد
******
ان شاء الله يتم تحديث الموضوع لكى اتمكن من شرح باقى الخصائص فى اضافة موضوع جديد بالمدونة لتسهيل المهمة على اعضائنا الكرام
ارجوا من الله ان اكون وفقت فى الشرح الموجز هذا
Popularity: 7% [?]
No related posts.
Related posts brought to you by Yet Another Related Posts Plugin.
هام وعاجل
هناك شاب يدعي جمال جمال عبدالحفيظ الجوهري 16 عام وبيمسح عربيات في الشارع وكان موجود صدفه في احداث العباسيه الاخيرة واتصاب بخرطوش وهو قاعد في مستشفي الدمرداش بمبني الطوارئ الدور الخامس لو ملقتهوش اسأل عليه في الاستقبال وقول اسمه وانه جاء في احداث العباسيه لوحده وأهله من دمياط وليس معاه موبايل ومش حافظ ارقام تليفون اهله لكن هو قال علي عنوانه وهو عمارة جهاد الضاحي في عزبة حافظ في منطقة اسمها الاسكندريه الجديدة وبيته علي الطريق
فياريت الي يتعرف عليه يقول لأهله
السلام عليكم ورحمة الله وبركاتة ..
ياريت حد يوصلني بمدير قصر الثقافة .. لأني محتاجاه ضروري بعد إذن حضراتكم
السلام عليكم ورحمة الله وبركاتة
أنا عارفة إن الموضوع مش مناسب هنا .. بس دي الطريقة اللي أقدر أتواصل بيها مع حضراتكم
احنا فرقة صدى الإنشاد من دمياط مركز الزرقا …
حابين نتواصل مع قصر الثقافة
في مواهب إنشادية وشعر وكتابة مقالات وكل حاجة .. ومحتاجين دعم .. بحيث نخطي الخطوة الأولى
ياريت لو حد هيسمعنا .. أقدر أتواصل ع الإيميل
المشاركة المجتمعية أو المذلة المجتمعية كما اسميها أنا هي مهزلة و بدعة ابتدعتها مديرية التربية و التعليم بدمياط في عهد النظام السابق
و هي بإختصار الشغل ببلاش في التدريس على أمل التعيين
و طبعا المقصود منها تعيين اقارب و احباء الموظفين الكبار بوضع اسمائهم بشكل صوري على انهم أدوا المشاركة المجتمعية
و للاسف انطلت الخدعة على الكثيرين فقاموا هم ايضا بوضع اسمائهم بشكل صوري انهم أدوا المشاركة و قليل منهم عمل فعلا بدون اجر لشهور او سنوات
و الكثير لم تنطلي عليه الخدعة و لم يشارك في تلك الخدعة اللتي لا اساس لها من القانون
المشكلة الان ان من شارك في تلك المهزلة (المشاركة المجتمعية) يعتقدون انهم احق بالتعيين و الان اصبحوا صداع في رأس المحافظ
في نفس الوقت من لم يشارك فيه يرى انه الاحق و خصوصا الدفعات القديمة الذين يحلمون بالتعيين منذ اكثر من 10 سنوات
و انقلب الطرفان الى اعداء كلا منهما يعتقد انه الاحق بالتعيين
و لا ندري كيف سيحل السيد المحافظ تلك القضية الشائكة
لماذا الجميع يهاجم مستشفى دمياط التخصصي كأن مافيش أهمال الا فى المستشفى دى وباقى مستشفيات دمياط فين مستشفى دمياط التخصصي بدون أمن من شهر واحد يوجد داخل المستتشفى البلطجى والهارب من الاحكام مرضا والمترددين عليهم وطلبنا من الشرطة ولا يوجد أجابة أو دعم من المستشار العسكرى ولا يوجد دعم فين حق المستشفى دى الكل بينهش فية مع العلم بأنها المستشفى التى تعمل بكفائة عالية(أرجو من سيادتكم توفير الأمن لمستشفى بدل الهجوم عليها)
اليد الفاضل محافظ دمياط
هل يعقل أن تنفق المحافظة من أجل تبليط شارع الخليفة بالبصارطة وتترك من الشارع ثلاثين مترا واقعة بين الرصيف القديم من الناحية القبلية والبلاط الجديد ( أنترلوك ) هل تعجز المحافظة عن توفير مبلغ هزيل لتتم عملا عظيما شرعت فيه ؟؟ هل يدرك من خطط لذلك أن حجم الضرر من ترك هذه الأمتار القليلة أكبر من حجم المنفعة لأن هذه الأمتار ستتحول لمستنقع ماء لانخفاض مستوى الشارع فيها عن الرصيف من ناحية والبلاط من ناحية أخرى ؟؟؟؟؟
وما جدوى أن يسير المواطن نظيفا سليما طوال الشارع ثم يغوص في الوحل بعد ذلك لمسافة ثلاثين مترا؟؟؟؟؟؟؟
السيد محافظ دمياط في هذا الشارع تم سرقت إعادة الشيء لأصله وفيه تم تدمير الشارع بالحفر للصرف الصحي الذي تطفح بياراته ليل نهار حول المنازل أم لم تصلكم تلك الأخبار أم نحن لسنا بشرا لنا حقوق كباقي البشر؟؟؟؟؟
أملنا أن تقع عينكم الكريمة أو عيون معاونيك على تلكم السطور وعمل اللازم
وشكرا