جديد

نصف مليون بطة لافطار اليوم الأول فى دمياط

نصف مليون بطة لافطار اليوم الأول فى دمياط

نصف مليون بطة لافطار اليوم الأول فى دمياط

النهاردة اول يوم رمضان وكل سنة وانتم طيبيييييييييييييييييين

لو سألت اى دمياطى النهاردة هتفطر ايه النهاردة طبعا عارفين (البط ) وطبعا البط الدمياطى كلنا عارفينه ,ليه بط نفسى افهم؟؟؟؟

البعض يقول انها عادة متوارثة بين الأجيال والبعض الآخر يرى أن البط هى أفضل وليمة تجتمع عليها العائلة كلها فى احتفالية استقبال الشهر الكريم، حيث تتناول تلك الأسر أكثر من نصف مليون بطة فى هذا اليوم، وهذه العادة تنعكس على الأسواق بجميع مدن وقرى المحافظة، حيث ترفع حالة الطوارئ القصوى فى مزارع البط ويتم اعداد محلات بيع الدواجن لاستقبال بط رمضان، ورغم ارتفاع سعر كيلو البط كل عام، إلا أن التزام الدمايطة بهذه العادة السنوية تجعلهم لايبالون بأى ارتفاع فى الأسعار وكأنها إحدى شعائر الشهر الكريم وقد وصل سعر كيلو البط إلى 53 جنيها أى أن البطة التى تجتمع عليها أسرة بسيطة يصل سعرها لأكثر من مائة جنيه. أما العائلات الكبيرة فتلجأ إلى طهى أكثر من بطة لتلبية مطالب أفراد جميع العائلة، كما أن الكثير من الأسر الدمياطية فى القرى تبدأ فى تربية بط رمضان قبل حلول شهر رمضان بستة أشهر ورغم أن شهر رمضان هذا العام يأتى فى بداية شهر أغسطس مع ارتفاع درجة الحرارة وتناول البط قد يسبب بعض المتاعب الصحية وخاصة لكبار السن إلا أن هذه العادة المقدسة تهون أمامها كل المصاعب وكان رمضان لايصلح فى دمياط بدون تناول البط فى أول يوم.

ياللا يا جماعة  الكل يقولنا فطر ايه اول يوم ؟؟؟؟

مقالات ذات صلة

4 تعليقات

  1. ندى
    3 أغسطس 2011 في 8:40 ص

    دى بقى جديدة ,معقول اللى بيحصل ده!! اعتقد ان صاحب الشركة دى واولاده مش عاملين حاجة لله دى منظرة ودعاية لشركته بس
    لا حول ولا قوة الا بالله .. ربنا يهديهم ..

  2. رضا خلف
    2 أغسطس 2011 في 2:47 م

    وأنا جاي النهاردة علي الطريق الدولي لقيت الطريق زحمة جداا وكان علي أذان المغرب 5 دقيايق المهم نزلت ركنت السيارة ولقيت يافطة مكتوب عليه
    شركة فلان وفلان بتاع ألأولد فلان بشركة فلان وفلان و لتجارة ألكثر من 8نشطات
    المهم نزلت علشان أفطر في المائدة .
    لقيت حاجة غريبة جداا جداا.2بودي جارد واقفين علي باب المائدةبيفتشو أللي داخل مش لو معاه سلاح ولا شومة لألألألألألألألألألألألألأ
    أللي مش معاه ورقة الدعاية للشركة مش يدخل وأللي معاه ورقة الدعاية للشركة يدخل انا مش عارف يا جماعة المائدة للشركة ولا لمين………….

  3. ندى
    2 أغسطس 2011 في 8:59 ص

    اهلا بيك أ/هادى وبكل اهل الامارات, كل عام وانتم بخير ,بالهنا والشفا سواء بط او لحمة المهم ربنا يتقبل صيامنا
    اسأل الله ان يجعلنا من عتقاء هذا الشهر الفضيل ..
    شكرااا لك نورت موقع دمياط

  4. hady
    1 أغسطس 2011 في 3:55 م

    انا عن نفسي في الامارات بس هما في البيت مش فطروا بط ولا حاجة دي لحمة
    وبعدين انا برضوا هلاقي البط فين هناااااااااا ومع ذلك السمك احسن مليووووووووووون مرة الحمد لله الذي بلغنا هذا الشهر الفضيل