لكل خريج وخريجة عايزين يشتغلوا

النهارده  الموضوع  عن الشباب والبنات بعد ما يتخرجوا

بجد دي كانت تجربتي بعد ما اتخرجت

اتخرجت وقعدت في البيت طبعا بلا فخر

وقرأت عن وزارة القوى العاملة

قولت ليه ما اقدمش ورقي فيها  وأقول للحكومة يا حكومة  انا اتخرجت خلاص

اهو الواحد يحاول

وفعلا

جهزت ورقي وهو عبارة عن :

صورة من  شهادة التخرج _ و صورة من شهادة الميلاد  الالكترونية

وصورة البطاقة  والرقم التأميني الخاص بيك “والرقم دا طبعا مختلف عن الرقم القومي  وطبعا هتسألوني دا هنجيبه منين

ببساطة لو انت ساكن في دمياط الجديدة  المكتب قريب من كليه تربية نوعية

ولو ساكن في دمياط في مكتب هناك  جنب كوبري الاعصر  وفي مكتب في كفر سعد مش عارفة مكانه بصراحة “

المهم تجهز ورقك

وتروح  دمياط الجديدة الحي الاول  وزارة القوى العاملة تقدم ورقك هناك

وفي ملف مع الموضوع فيه مكاتـب تابعة  لوزارة القوى العاملة والهجـرة في محافظة دمياط

مكتـب تابعة لوزارة القوى العاملة والهجـرة

وبعد ما هتقدم ورقك  هتستلم زي ايصال كدا  انك قدمت يعني

انا قدمت خلاص

ولسه بستنى حد يتصل بيا

يا ترى هيجي اليوم اللي هرد فيه على سماعة التليفون واسمع مبروك انتي اشتغلتي في شركة كذا

طبعا هيجي اليوم وطبعا الشغل اما هيبقى قطاع عام او قطاع خاص

اتمنى من كل خريج وخريجة انه يقدم وما يضيعش الفرصة دي هيا محاولة

اتمنى اسمع ردودكم يا شباب

مقالات ذات صلة

10 تعليقات

  1. وسام جمال
    15 يناير 2012 في 12:54 م

    الحق يقال ان هناك بمشيءة الله تفاؤل و عمل باذن الله
    و ارجومن موظفي القوي العاملة النظر بعين الرافة لنــــــــــــــــــــــــــــــــــــــــــــا

    ارحمـــــــــــونا و عينـــــــــــــــــــونا

    و الف مليون شكر

  2. سندريلا
    12 نوفمبر 2010 في 9:00 م

    اولا
    السلام عليكم
    ثانيا:
    انتي متفائلة قوي وزارة القوى العامله الي انتي بتتكلمي عنها دي مثبتتش الي بيشتغلوا بعقود فيها بقالهم 7 سنين ومش بيعطوهم مرتباتهم لمده 6 شهور ال يعني مفيش ميزانية بيحوشلهم الفلوس هههههههههه اقولك كمان ولا كده كفاية
    لا اقولك كمان الوظايف الي بتجيهم بتكون مطلوب عمال سواقين نجارين وخلافه بيطلبوا الحرفيين عن المؤهلات وكمان لشركات خاصه معدش شغل حكومه انسوا والي انتي عملتيه ده اكبر مني ومنك سنا عملوه وبقالهم اكتر من 10 سنين مش اتعينوا ولاسمعوا جرس تليفون يقولولهم مطلوبين للعمل
    انا مش حابة اخليكوا تيأسوا بس دي الحقيقه والواقع الي لازم افوقكم ليه والله اتمني ليكي وليا ولكل الي عايزين يشتغلوا التوفيق مش عليكم غير كل ماتسمعوا عن وظايف قدموا وادعوا ان يكون ليكوا نصيب في الوظيفه
    ولوفعلا جالك الشغل بالطريقه الي انتي عملتيها دي ابقي قوليلي وانا اعمل زيك بس انا والدتي بتشتغل هناك ولو في امل كانت عرفتني

  3. منى
    1 نوفمبر 2010 في 12:31 م

    انا بقة قدمت فيها وتخيلوا جاتلى شغلانة وطرت من الفرحة لحد ما جت الصدمة وانا ساكنة فى دمياط تخيلوا جاتلى فييييييييييييييييين
    شغلانة فى فندق فى دهب ريسيبشنست

  4. محمد
    6 أكتوبر 2010 في 3:29 م

    حسبى الله ونعم الوكيل معى ليسانس تربية من احدى عشر سنة التخصص انجليزى ولم اعين حتى الان مع اننى حاصل على icdl,cisco بالاضافة لسنة مشاركة مجتمعية ببلاش فى سبيل الله وافوض امرى الى الله ان الله بصير بالعباد

  5. مرفت
    26 أغسطس 2010 في 10:17 ص

    لا حقيقى يا شباب وبعيد عن الاحباط مش فيه حد حاول يغير شئ احنا هنستنى الحكومه لامته وهنسيب القطاع الخاص يمارس سلطاتهالتعسفيه فى فرص الوظائف لامته المفروض ان النظام الحالى بيحتم اولوية القطاع الخاص بمعنى ان اغلب المؤسسات حاليا اصبحت خاصه واحنا مش عارفين نتفاهم مع القطاع الخاص حقنا نلاقى فرصتنا طيب الولاد هيشتغلوا اى حاجه والبنات تطق بقه ولا تعمل ايه

  6. مرفت
    26 أغسطس 2010 في 10:12 ص

    طيب واخرتها ايه بعد لما نقدم
    اكيد هاحاول ان شاء الله اشوف المكان المحبط اللى كله روتين ده جايز جرعة الاحباط الزياده تخلينا نموت وخلاص

  7. امانى
    18 يوليو 2010 في 2:32 م

    معلش نسيت اقوللك حاجة صغنووووووونة
    اناقدمت فى المكتب المحترم ده من 4 سنين بس
    ويجعله عامر!!!!

  8. امانى
    18 يوليو 2010 في 2:12 م

    الفكرة معقولة لكن النتيجة طبعا محسومة و معروفة . انا خريجة كلية التربية بتقدير جيد من 10 سنين ولما كنت عايشة فى الوهم وفاكرة ان اولوية التعيين بالكفاءة رفضت المشاركة فىى المهزلة المسماة (محو الأمية ) وعليها بقالىى 10 سنين باقدم فى مسابقات ومفيش فايدة ولما رفعت الراية البيضاء وبدأت امشى فى مشروع محو الأمية المزيف (زى ما كل الدمايطة عارفين ) سمعت ان التعييين بقا الأولوية فيه للأحدث تخرجا هاقول ايه؟ حسبى الله ونعم الوكيل وسلم لى على محافظ دمياط المكافح اللى محا امية الناس الجهلة الوحشين اللى عقبة فىى طريق التقدم والذى منه

  9. محمد
    21 مايو 2010 في 1:14 ص

    الموضوع حلو وربنا يبارك كمان وكمان يبقى فى وظايف بس المطلوبين للوظيفه من كل تخصص 1 او 2 الى 38 فرد دول يترى لمين الله اعلم وشوفى حضرتك كام واحد راح يقدم ألاف ونرجع نقول محدش عارف نصيبه فين ربنا يقدم الى فيه الخير وهتبقى عال والله

  10. admin
    17 مايو 2010 في 7:41 م

    السلام عليكم و رحمة الله و بركاته
    موضوعك بجد جااامد يا rose و فعلا مفيد و دي خطوة كويسة منك إنك قدمتي ورقك في المكتب دا

    بس أرجع و أقولك
    اجري يا ابن آدم جري الوحوش
    يندلأ الفول منها

    أنا بهزر طبعا

    ع العموم مشاركتي دي بقول فيها
    إن المكتب اللي في تفتيش كفر سعد
    اللي انتي مش عارفة مكانه
    هوا
    بعد شارع المجلس علي طول بحوالي 50 لـ 100 متر

    بس

    و علي فكرة المكتب دا كان شكله و نظام الديكور اللي هناك كان يجيب اكتئاب
    بس الحمد لله هما الوقتي جددوه و خلوا العملية ريحتها حلوة و الأرض بتلمع طعا من النظافة مش من حاجة تانية
    أحسن حد يفهمني غلط

    بس خلاص
    كدا انا خلصت مشاركتي

    سلاااااام