الكنافة الدمياطى

كل سنة وانتم طيبييييييييين ياأحلى دمايطة ((رمضان كريم))

www.dmiat.com`

www.dmiat.com

النهاردة هعملكم صينية كنافة لعيونكم يا دمايطة ,والطريقة سهلة وبسيطة خالص

نشوف المقادير :

لبة كنافة مجمدة وانا بتعمد اجمدها وبعدين افركها وهي مجمدة اسهل واسرع بعد ماافركها لازم تسيبيها تفك التجميد كويس
سمن زي ماتحبوا وممكن تدخلو زيت وتقللوا من السمن براحتكم
بندق انصاف
4 م\ ك سكر
شيرة باردة اقلها كوب مثلا

الحشو:
حشوة مهلبية بالقشطة معروفة:
2 كوب حليب
1م \ ص ماء ورد
فانيليا
2 م \ ك نشا
(حطيهم على النار من غير سكر اكيد لحد متبقى مهلبيه)
ضيفي نص علبة قشطة وقلبي جيدا

الطريقة:
سهلة وبسيطة
تجيبي الكنافة الي فركتيها وتدعكيها كويس بالسمن وملاعق السكر لما تحسي انها شربت سمن تمام جدا مهم ياجماعه عشان الكنافة ماتفرطش
تحطي سمن برده في الصينية بس مش كتير
هتشوفي في الصورة تحطي البندق على الوجه المقطوع
تحطي كنافة كتير مع الضغط كويس في القاع وكمان على جوانب الصينية اكبسي كويس عشان ماتطلعش المهلبية
نضيف المهلبية ونغطي بطبقة كثيفة من الكنافة ونضغط خفيف
وبردة شوية سمن على الوجه
طبعا بيفيض شوية كنافة بشيلهم بالفريزر

حطي الكنافه في الفرن على درجة حرارة هادية جدا 150 او اقل كمان
سيبوها براحتها وارفعوها عشان متتحرقش من تحت
وشغلي الفرن بعد الفرن الشوايه انا بصراحة بسيبها ساعة عشان تستوي كويس
بعد ما تتحمر الكنافة..صبي عليها الشيرة ودخليها تاني الفرن 10 دقائق برده فرن هادي
طلعيها وسيبيها تهدى خالص وبعدين اقلبيها واسقيها شوية شيرة كمان
قطعيها وبالهنا

ودي الصور

www.dmiat.com

www.dmiat.com

www.dmiat.com

www.dmiat.com

www.dmiat.com

www.dmiat.com

www.dmiat.com

www.dmiat.com

وبالهنا والشفا..

مقالات ذات صلة